A Concellería de Deportes da Pobra de Trives pon en marcha o programa de Escolas Deportivas Municipais para o curso 2018/2019 co prazo de inscrición aberto nas diferentes modalidade deportivas que se ofertan (kárate, atletismo, fútbol sala, psicomotricidade, bádminton e tenis de mesa).
As escolas deportivas están diseñadas para fomentar e promocionar o deporte desde unhas idades temperás, potenciando a visión educativa do deporte, así como impulsando valores, un estilo de vida saudable e a utilización adecuada do tempo de ocio entre outros puntos.
Os interesados e interesadas en participar nalgunha das modalidades que se ofertan poden ter máis información e inscrición no teléfono 670 471 520.
No mes de outubro xa quedarán configurados os horarios e grupos para cada modalidade ata finais de curso.