Chegamos a finais de agosto e poñémoslle fin ás nosas rutas de sendeirismo familiar que se levaron a cabo todos os martes dos meses de xullo e agosto deste 2018, organizadas dende o Concello de A Pobra de Trives co fin de chegar a todos os públicos de xeito que coñeceran as nosas paisaxes e sendeiros.
A cabalar será a ruta elexida para finalizar estes paseos familiares dos martes neste verán trivés. A cita é o vindeiro 28 de agosto, con saída ás 9 da mañá da Praza do Concello.
Un paseo de aproximadamente 8 kilómetros de dificultade baixa, para disfrutar a carón do río, camiñando por entre soutos e poder coñecer parte da nosa historia pasando pola Fábrica de Chocolate e a Ponte Cabalar.