Con motivo da chegada do Nadal, o Concello da Pobra de Trives elabora un programa destinado ao disfrute e entretemento de toda a veciñanza e visitantes. Moitas das actividades desta programación están pensadas para vivilas en familia; cargadas de maxia, fantasía e ilusión.
En definitiva, unha programación tentando ofrecer o mellor aos que aquí vivides durante todo o ano, aos que volvedes durante estas datas para pasar uns días en familia, e a todos aqueles veciños e veciñas que veñen doutros lugares para gozar de Trives neste tempo de Nadal.
Dende o concello agardamos que este programa de Nadal con obradoiros, tardes e noites de cine, certames e festivais, exposicións… no que intentamos unir modernidade e tradición, sexa do agrado de todos e que logre que o vivamos dun xeito especial.
Achegámosvos aquí a programación deste Nadal 17-18 na Pobra de Trives e desexámosvos FELICES FESTAS E BO NADAL!!