Os mércores 12 e 19 de xullo e 2 e 30 de agosto, dende o Concello de A Pobra de Trives organizamos rutas de sendeirismo guiadas. Estas serán de dificultade baixa co fin de chegar a todos os públicos e dar a coñecer un pouquiño máis a fermosura da nosa terra.
A primeira das rutas será este mércores 12 de xullo. Visitaremos os Sequeiros e camiñaremos por entre a maxia dos soutos de castiñeiros, gozando tamén da paisaxe do Val de Navea, declarado "Primeira Paisaxe Protexida de Galicia".
Desta volta, a saída da ruta será ás 10h. da mañá dende o pobo de Pena Folenche.