En A Pobra de Trives, os folións enchen as rúas facendo soar bombos, aixadas, gadañas, chocas,...cada un deles tocando distintos sons.
Tamén grupos de xente disfrazados dando cor e diversión á vila.
O xoves 28 de xaneiro e 4 de febreiro, son os "Xoves de Compadres" e "Xoves de Comadres". As prazas e rúas do pobo tínguense de branco nas loitas de fariña entre homes e mulleres, na que participan grandes e pequenos. Ademáis e día de correr o lardeiro e a lardeira.
Ambos xoves haberá cea para que todos os disfrazados festexen Compadres e Comadres. Pola noite ademáis os folións paséanse polas rúas da vila retumbando e enfariñándose.
O domingo 31 de Xaneiro, o Folión os Labregos organiza o seu Desfile de Folións. a partires das 16h. na Finca da Barreira.
O venres 5 de febreiro, pola mañá terá lugar o desfile de entroido dos alumnos do IES Xermán Ancochea Quevedo, CEIP Manuel Bermúdez Couso e da Gardería.
Os máis pequenos tamén contarán cun Obradoiro de Manualidades de Entroido na tarde do venres 5 de febreiro na Biblioteca Municipal.
O luns, día 8 de febreiro, é o día do Desfile do Entroido Infantil. A cita é na Praza do Reloxo pola tarde, e ao remate haberá unha chocolatada para todos.
O concurso de comparsas terá lugar o 9 de febreiro, martes de Entroido. Esa tarde os disfraces darán colorido a Trives desfilando polas súas rúas acompañados dos folións. Rematarán todos xuntos disfrutando duns pinchos e unha chocolatada.
O 10 de febreiro, xa como fin das celebracións do entroido, a AC A Caniceira organiza o Enterro da Sardiña.