Cultura, natureza, historia, paisaxe, turismo, deporte,… todo se pode encaixar nunha ruta familiar e iso estamos a facer cada martes deste verán coas nosas rutas guiadas.
Nesta IV Ruta faremos un percorrido circular no que mesturaremos todos os ingredientes anteriores, con saída e chegada en Sobrado, onde desfrutaremos do seu mosteiro do século XII, camiñaremos por soutos de castiñeiros e bosques cruzando ríos ata o concello veciño de Manzaneda para admirar a grandeza do castiñeiro de Pombairiños en Rozabales, e mesmo coñecer o pasado da vila medieval de Manzaneda.
O martes 7 de agosto ás 9 da mañá sairemos da praza do concello, cada quen no seu coche cara Sobrado e dende alí, na praza da igrexa, dará comezo a ruta ás 9:30h. Despois de aproximadamente 10 kilómetros combinando patrimonio natural e patrimonio cultural, poremos o broche a este paseo coa visita ao interior do mosteiro.