Este martes, 21 de agosto, a V Ruta de Sendeirismo Familiar do verán 2018 levaranos polos Sequeiros, en pleno contacto coa natureza, gozando da maxia de pasear entre soutos, coñecendo os sequeiros e as súas funcións.
Os camiñantes tamén poderán albiscar dende o mirador de Pena Folenche o Val do Navea, declarado "Primeira Paisaxe Protexida de Galicia".
Unha visita guiada que sairá ás 9:10 da mañá dende a praza do Concello, cada un no seu propio vehículo, cara o pobo da Pena Folenche, e dende alí partirá a ruta de sendeirismo ás 9:30h.
Unha ruta circular que rematará no punto de partida, de dificultade baixa, un paseo duns 3 quilómetros que nos permitirá cargar os pulmóns na maxia dos nosos bosques.