Están publicadas no Diario Oficial de Galicia as axudas para o apoio aos investimentos nas explotacións agrícolas, para a creación de empresas para os agricultores mozos, e para a creación de empresas para o desenvolvemento de pequenas explotacións.
Estas axudas son creadas coa finalidade de mellorar os resultados económicos das explotacións agrarias e facilitar a reestructuración e modernización destas, así como facilitar a entrada no sector agrario de agricultores axeitadamente formados, e en particular o relevo xeracional.
O prazo de presentación de solicitudes será de 1 mes, e contarase a partir do día seguinte ao da súa publicación no Diario Oficial de Galicia.